Click to listen highlighted text!

ВИЛОЯТ ҲОКИМИНИНГ НАВБАТДАГИ УЧРАШУВИ ЯНГИБОЗОРДА ЎТДИ

Вилоят ҳокими Ф.Эрманов бугун Янгибозор тумани Ширинқўнғирот қишлоғи “Ширинлар” маҳалласи фуқаролари билан учрашди. Қабулда туман ҳокими Ў.Машарипов ва вилоят ва туман корхона ташкилот раҳбарлари иштирок қилдилар. Урашув давомида асосан ичимлик суви таъминоти, электр кучланишининг пастлиги, сифатли кўмир етказиш масалалари бўйича мурожаатлар бўлди. Шу маҳаллада яшовчи Севара Матяқубова маҳаллага оилавий поликлиника 5 км узоқликда бўлганлиги сабабли, шу ернинг ўзига кичик бир дорихона ташкил қилиб беришни сўради. Мурожаат шу ернинг ўзида ўз ечимини топди ва маҳалладаги эски ҚВП биносининг бир қисми дорихона сифатида ташкил қилинадиган бўлди.





“Тараққиёт” кўчасида яшовчи Холмуратова Сайёра кўчадаги хонадонларни ичимлик суви билан таъминлашда амалий ёрдам сўраб, мурожаат қилди. Айни пайтда мазкур кўчада 25 та хонадон мавжуд бўлиб, ичимлик сувини ўтказиш учун 500 метрлик қазув ва қувур ётқизиш ишларини амалга ошириш лозим бўлади. Янги йил байрамигача ушбу мурожаат ижобий ҳал қилинадиган бўлди. 
Матяқубов Ражабберган маҳалладаги “Бахшилар” ўрамида истиқомат қилади. 135 хонадондан иборат мазкур жойда  мактабгача таълим муассасаси  мавжуд эмас. Маҳалла марказидаги МТМ эса 3 км узоқликда жойлашган. Фуқаро шу муаммо юзасидан мурожаат қилди. Мутасаддилар томонидан масала ўрганилди. Мурожаат ижобий ечим топиб, тез кунларда бу ерда оилавий боча ташкил қилинади. 2020 йилдан эса давлат хусусий шерикчилик асосида янги мактабгача таълим ташкилоти ишга тушириладиган бўлди.
Добавить комментарий

Оставить комментарий