Click to listen highlighted text!


“SPLASH URGANCH”  масъулияти чекланган жамиятининг асосий фаолияти кунжутни қайта ишлашдан иборатдир. Бундан ташқари бу ерда таҳин – кунжут пастаси, ва кунжут ҳолваси ҳам ишлаб чиқарилади.  Муқаддам илк фаолиятини бундан уч йил олдин  атиги 5 ишчи билан бошлаган  даргоҳда айни пайтда 40 нафар  ишчи – хизматчи меҳнат қилишаяпти.  


 Бугун Қўшкўпир тумани ҳокимлигининг катта мажлислар залида “Солиқ хизмати – инсофли солиқ тўловчининг ишончли ҳамкори” мавзусида учрашув ўтказилди. Унда Хоразм вилоят давлат солиқ бошқармаси бош инспекторлари У. Каримқулиев ҳамда С. Қаландаров, туман ҳокимининг биринчи ўринбосари О.Артиқов, туман прокурори ва ДСИ бошлиғининг биринчи ўринбосари Ш. Ҳасанов, ҳоким ўринбосарлари, ташкилот раҳбарлари, тадбиркорлар иштирок этдилар. 
 Йиғилиш давомида жисмоний шахслардан олинадиган даромад солиғи, ижтимоий солиқ, айланмадан олинадиган солиқ, мол-мулк солиғи, сув ресурсларидан фойдаланганлик учун солиқ, ер солиғи, фойда солиғи, акциз солиғи каби кўплаб солиқ турларининг аҳамияти кенг тарзда тушунтириб берилди. Шу билан бирга тадбиркорларнинг муаммолари ҳам ўрганилди.  
 Йиғилиш сўнгида тадбиркорлар ўзларини қизиқтирган саволларига жавоб олдилар. 


ҚЎШКЎПИР ТУМАН ҲОКИМЛИГИ АХБОРОТ ХИЗМАТИ

Янгибозор туманида  “Маданият маркази”да “Аёллар дафтари”га киритилган 170 нафарга яқин хотин-қизлар билан мулоқот ўтказилди. 

Мулоқотда    жиноят ишлари бўйича Янгибозор туман Маъмурий суди раиси Ш.Хўжаниёзов, туман ИИБ бошлиғи ўринбосари К.Адамбаев, Урганч туманлараро маъмурий судининг судьяси Т.Ибрагимов, Хоразм вилояти фуқаролик ишлари бўйича Урганч туманлараро судининг судьяси З.Исаков  иштирок қилди. 

Суҳбат давомида ҳуқуқий маслаҳатга эҳтиёжи бўлган хотин-қизлар ўзларини қийнаб келаётган барча саволларга жавоб олдилар.

Йиғилиш сўнггида масъуллар томонидан аёллларни иш билан таъминлаш, уларнинг бандлигига кўмаклашиш масалалари юзасидан ҳаракатларни жадаллаштириш, қолаверса, ҳозирги натижаларни сарҳисоб қилган ҳолда янги вазифалар ҳамда иш режалари белгилаб олинди.

Янгибозор туман ҳокимлиги Ахборот хизмати

Бугун 24 январь куни  11-, 31-, 37-, 499-сайлов участкаларида Халқ депутатлари Урганч шаҳар Кенгаши қарорига асосан 11-“А.Қодирий” ва 29-"Наврўз" сайлов округлари бўйича бўшаб қолган ўринга депутатлик сайлови бўлиб ўтмоқда. 
Сайловда фуқаролар фаол иштирок қилиб, ўзлари муносиб деб билган номзодга овоз бермоқдалар.

Айни дамда, ушбу Сайлов участкаларида овоз бериш жараёнлари бўлиб ўтмоқда...

Ишлаб чиқарувчи саноат корхоналари ҳажмини ошириш, юқори даражадаги иқтисодий кўрсатгичларга эришиш, тадбиркорлик фаолият турларини кўпайтириш ва ишчи кучи сонини оширишда чет эллик инвесторларнинг ҳам ўрни катта.  
Қўшкўпир тумани ҳокимининг биринчи ўринбосари О.Артиқов кеча туманга ташриф буюрган туркиялик инвесторларни қабул қилди. Улар билан кўпгина лойиҳаларни амалга ошириш бўйича фикрлар алмашилди. Шунингдек, чет эллик инвесторларга тумандаги фойдаланилмасдан турган бўш бинолар кўрсатилди ва инвесторлар томонидан 6 та лойиҳа таклиф қилинди. 


ҚЎШКЎПИР ТУМАНИ ҲОКИМЛИГИ АХБОРОТ ХИЗМАТИ

Ўзбекистон Республикаси Президентининг ПФ 5618-сонли Фармойиши билан Полванов Баҳодир Хусаинович Хоразм вилояти судининг раиси лавозимига тайинланди.
Тайинловга қадар Ўзбекистон Республикаси Судьялар олий кенгашининг Судьялар дахлсизлигини таъминлаш ва коррупциянинг олдини олиш бўйича суд инспекцияси судьяси лавозимида ишлаган.
Б. Полванов 1979 йил 30 апрелда Янгиариқ туманида туғилган. Маълумоти олий.  2000 йил Ўзбекистон Республикаси Ички ишлар вазирлиги академиясини тугатган. Иш фаолиятини шу йил Урганч шаҳар ИИБ терговчиси лавозимидан бошлаган. 2007-2012 йиллар Жиноят ишлари бўйича Шовот туман судининг раиси. 2014-2018 йиллар  Жиноят ишлари бўйича Шовот туман судининг раиси. 2018-2019 йиллар Жиноят ишлари бўйича Сурхондарё вилоят суди раисининг ўринбосари. 2019-2021 йиллар Ўзбекистон Республикаси Судьялар олий кенгашининг доимий  асосдаги аъзоси -  Ўзбекистон Республикаси Судьялар олий кенгашининг судьяси.
Вилоят ҳокимлигида Хоразм вилояти судининг раиси лавозимига тайинланган Б. Полвановни таништиришга бағишланган учрашув ташкил этилди. 
Тадбирда вилоят ҳокими Ф.Эрманов ва Ўзбекистон Республикаси Судьялар олий  кенгаши раиси Х.Ёдгоров қатнашди ва сўзга чиқдилар.

Унда туман ҳокимлиги, халқ таълими, мактабгача таълим, маданият, касб-ҳунар таълими, бандлик, соғлиқни сақлаш, қишлоқ хўжалиги бошқармалари ҳамда ҳуқуқ-тартибот органлари, электр энергияси ва газ таъминоти каби кўплаб соҳаларга тегишли ташкилотлар раҳбарлари ва вилоятнинг турли ҳудудларидан келган фуқаролар иштирок этди. 


Мурожаатлар уй-жой, газ, электр энергияси, бандлик, ижтимоий ёрдам, кредит, соғлиқни сақлаш, суд-ҳуқуқ, таълим, тоза ичимлик суви билан боғлиқ масалалар юзасидан бўлди. Уларнинг аксарияти жойида ҳал этилди. Қўшимча ўрганиладиган мурожаатлар ижросини ҳоким шахсан ўз назоратига олиб, тегишли ташкилот раҳбарларига мурожаат ижроси бўйича муддат белгилаб берди.

Хоразм вилоятининг барча ҳудудларида ноқулай об-ҳаво сабабли ҳаракат хавфсизлигини таъминлаш мақсадида вилоят Транспорт бошқармаси  йўловчи ташиш фаолияти билан шуғулланувчи корхона рахбарларини огоҳлантиради!
Сизлардан автотранспорт воситаларни йўналишга чиқаришдан олдин асосий эътиборни транспорт воситаларининг техник созлигини, узоқ масофага кетаётган ҳайдовчилар чарчаган вақтларида транспорт воситасини бошқариш учун ёрдамчи ҳайдовчиларнинг мавжудлигини, автотранспорт воситаларни ҳужжатлари тўлиқлигига эътибор беришингиз сўралади. Шунингдек, сафар давомида йўл ҳаракати қоидаларига қатъий риоя этган ҳолда йўловчиларни ўз манзилларига хавфсиз етказиб қўйилишини ташкил этиш бўйича қўшимча  тушунтриш ишларини олиб боришингиз сўралади.


Хоразм вилояти Транспорт бошқармаси Матбуот хизмати

Берегин Суҳроб Мақсудович - “Хоразм ҳудудий электр тармоқлари корхонаси” акциядорлик жамияти бош директори вазифасини вақтинчалик бажарувчи этиб тайинланди.
Бунга қадар С.Берегин  "Хоразм ҳудудий электр тармоқлари” АЖнинг Иқтисод ва молиявий масалалар бўйича директори лавозимида фаолият юритган.
"Хоразм ҲЭТК” матбуот хизмати

2021 йил 19 январь куни Хоразм вилояти ИИБ мажлислар залида Ўзбекистон Республикаси Ички ишлар Вазирининг ўринбосари полковник Р.А.Хатамов вилоят ички ишлар органларининг бир гуруҳ ёш ходимлари билан учрашди.
Шунингдек мазкур учрашувда фидойилиги ва фаоллиги билан ҳамкасбларига ўрнак бўлиб келаётган ёш ходимлардан бир гуруҳининг ота-оналари, Ёшлар иттифоқи вилоят кенгашининг масъул ходимлари ҳам иштирок этдилар.
Вазир ўринбосари учрашувдаги кириш сўзида бугунги кунда республика ички ишлар органлари тизимида амалга оширилаётган туб ислоҳотлар, ходимларни ижтимоий-ҳуқуқий ҳимоя қилишга қаратилган чора-тадбирлар тўғрисида батафсил тўхталиб ўтди.
Шундан сўнг сўз олган Ёшлар иттифоқи вилоят кенгаши раисининг ўринбосари И.Ўринов бугунги кунда ёшлар ўртасида жиноят ва ҳуқуқбузарликларнинг олдини олиш борасида ички ишлар органлари билан  ҳамкорликда амалга оширилаётган чора-тадбирлар ўзининг ижобий самарасини бераётганлигини таъкидлаб ўтди.
Учрашувда иштирок этган ёш ходимлар ўз навбатида Вазир ўринбосарига ўзларининг таклифларини билдирдилар.
Жумладан, ёш ходимлар иштирокида “Хива-Қўқон” йўналишида ва ИИВ Академиясига саёҳат уюштириш, ходимларга хорижий тилларни ўргатиш ва уларнинг нотиқлик маҳоратини ошириш мақсадида ўқув курсларини ташкил этиш, тизимда фаолият юритаётган фидойи хотин-қизлар учун махсус кўкрак нишони ва улар ўртасида кўрик-танлов жорий этиш борасидаги таклифлар Вазир ўринбосари томонидан самимий қабул қилиниб, амалиётга татбиқ этиш мақсадга мувофиқлиги билдирилди.
Самимий руҳда ўтган учрашув якунида намунали ҳулқи, касбига садоқати билан барчага ўрнак бўлиб келаётган бир гуруҳ фидойи ёш ходимларга Вазир ўринбосари томонидан “Фахрий ёрлиқ” ва бадиий китоблар тўплами топширилган бўлса, яна бир гуруҳ фидойи ходимларнинг ота-оналарига “Миннатдорчилик” хати ва эсдалик совғалари тақдим этилди.
Шунингдек, вилоят ички ишлар органлари билан яқин ҳамкорлик қилиб келаётганлиги учун Ёшлар иттифоқи вилоят кенгашининг масъул ходимларига ҳам “Фахрий ёрлиқ” ва эсдалик совғалари берилди.
Ўз навбатида Ёшлар иттифоқи вилоят кенгаши раисининг ўринбосари И.Ўринов ёшларга кўрсатаётган эътибори ва ғамхўрлиги учун Вазир ўринбосарига миннатдорчилик билдириб, Хоразм тарихини акс эттирган асарлардан иборат китоблар тўпламини совға қилди.
Хоразм вилояти ИИБ Ахборот хизмати